İngiltərəli futbolçu mərc etdiyi üçün cəzalandırılıb

"Brentford" klubu və İngiltərə yığmasının hücumçusu İvan Tauni mərc etdiyinə görə 8 ay müddətinə futboldan uzaqlaşdırılıb.

"Report" xəbər verir ki, bu barədə Premyer Liqa klubunun rəsmi saytı məlumat yayıb.

27 yaşlı futbolçu 50 min funt sterlinq cərimə də ödəməli olacaq. O, meydana yalnız 2024-cü ilin yanvar ayının ikinci yarısında qayıda biləcək və ona komanda ilə məşqlərə 4 ay əvvəldən başlamaq icazəsi verilib.

Keçən noyabr ayında Tauni 2017-2021-ci illər arasında Futbol Assosiasiyası tərəfindən 232 mərc oyununu pozmaqda ittiham olunub.