“Arsenal”ın qapıçısı: “Azərbaycana qələbə üçün gedirik”

“Azərbaycana qələbə üçün gedirik, qalib gəlməliyik”.

“Report”un məlumatına görə, bunu Estoniya yığmasının futbolçusu Karl Yakob Heyn AVRO-2024-ün seçmə mərhələsində Azərbaycan millisinə qarşı keçirəcəkləri oyun barədə danışarkən deyib.

İngiltərənin “Arsenal” klubunun 21 yaşlı qapıçısı iyunun 17-də Bakıda baş tutacaq qarşılaşmaya hazır olduqlarını söyləyib: “Milli komandanın oyunları həmişə böyük önəm kəsb edir. Ölkəni təmsil etmək hər zaman gözəl hissdir. Qarşıdakı oyunlar əvvəlkilər kimi çətin olacaq. Lakin komanda buna hazırdır və hər iki görüşdən xallar almaq istəyirik”.

Qeyd edək ki, iyunun 17-də “Dalğa Arena”da Azərbaycan millisinin qonağı olacaq Estoniya yığması bundan üç gün sonra Belçikanı qəbul edəcək.