Nigeriya millisi Bakıda keçirilən çövkən üzrə dünya çempionatında üçüncü olub.
"Report" xəbər verir ki, Binə Atçılıq Mərkəzində Nigeriya millisi Özbəkistanla qarşılaşıb.
İlk 30 dəqiqəsi 1:1 hesabı ilə bitən matça 8 dəqiqəlik hissə əlavə olunub. Burda da qalib müəyyənləşmədiyindən penaltilər seriyasına müraciət edilib.
Nigeriya komandası penaltilər seriyasında rəqibini 2:0 hesabı ilə üstələyərək dünya üçüncüsü olub.
Qeyd edək ki, dünya çempionatına iyunun 10-da start verilib.
