Azərbaycanın 16 yaşadək oğlanlardan ibarət basketbol millisi Albaniyanın paytaxtı Tiranada keçirilən Avropa çempionatının C divizionunda növbəti oyununa çıxıb.
“QELEBE.AZ” xəbər verir ki, Tahir Baxşıyevin rəhbərlik etdiyi milli Moldova ilə üz-üzə gəlib.
Qarşılaşma seçməmizin 78:55 hesablı qalibiyyəti ilə yekunlaşıb.
Qeyd edək ki, U-16 millimiz dünən turnirin ilk oyununda Albaniyaya 56:60 hesabı ilə məğlub olub. Komanda növbəti görüşünü iyulun 11-də, saat 16:30-da Malta yığmasına qarşı keçirəcək.