Azərbaycan Cüdo Federasiyası 2024-2028-ci illər üçün hədəflərini açıqlayıb.
"Report"un məlumatına görə, bu barədə qurumun icraçı vitse-prezidenti Rəşad Rəsullu bildirib.
O, məqsədlərinin Azərbaycanı dünyanın qabaqcıl cüdo ölkələrindən birinə çevirmək olduğunu söyləyib.
Qurum rəsmisi kütləviliyin artması, istedadların inkişaf yolunun təkmilləşdirilməsi və elit idmanda nailiyyətlərin yaxşılaşdırılmasının üç əsas strateji istiqamət olduğunu diqqətə çatdırıb.