İspaniyanın "Barselona" klubu azərbaycanlı qapıçı Eldar Tağızadəni icarəyə verib.
"QELEBE.AZ"un məlumatına görə, 21 yaşlı qolkiper İspaniyanın səviyyəcə dördüncü liqasında çıxış edən "Tudelano"ya keçib.
O, 2025-ci il iyunun 30-dək bu komandanın formasını geyinəcək.
Qeyd edək ki, Eldar Tağızadənin "Barselona" ilə müqaviləsinin müddəti 2026-cı ilin yayınadək nəzərdə tutulub. Oyunçu avqustun 11-də azad agent kimi Kataloniya təmsilçisinin B komandasına keçib.