Almaniya "Bavariya"sının və Seneqal millisinin futbolçusu Sadio Mane Qətərdə keçiriləcək dünya çempionatında oynamayacaq.
“Report” xəbər verir ki, bu barədə Seneqal komandası məlumat yayıb.
Futbolçunun Bundesliqada "Verder"lə matçda (6:1) aldığı zədə sağalmayıb. Münhen klubu da rəsmi saytında futbolçunun əməliyyat olunduğunu açıqlayıb.
Qeyd edək ki, DÇ-2022 noyabrın 20-dən dekabrın 18-dək təşkil olunacaq. Seneqal yığması Niderland, Qətər və Ekvadorla birlikdə A qrupunda mübarizə aparacaq.