Millətlər Liqasının final turnirinin yeri müəyyənləşib.
QELEBE.AZ saytının məlumatına görə, bunu UEFA-nın mətbuat xidməti açıqlayıb.
Qurumun İcraiyyə Komitəsi turnirin Niderlandda keçirilməsinə qərar verib. A liqasının qrup qalibləri Rotterdam və Enshede şəhərlərindəki matçlarda mübarizə aparacaq.
Yarımfinal 2023-cü il iyunun 14-15-də, 3-cü yer və final oyunları 18-də keçiriləcək. Yarımfinalın püşkü yanvarda atılacaq.
Qeyd edək ki, final turnirində Niderland, Xorvatiya, İtaliya və İspaniya mübarizə aparacaq.