“Qarabağ” yerli futbolçulardan daha birini komandada saxlamağı planlaşdırır.
Apasport.az saytına verilən məlumata görə, Ağdam təmsilçisi Toral Bayramovu əldən buraxmaq istəmir.
Azərbaycan çempionu 24 yaşlı futbolçunun müqavilə müddətini daha 1 il artırmaq niyyətindədir.
Yarımmüdafiəçiyə ölkə xaricindən, əsasən də Avropadan ciddi müştərilər var. Lakin o, hələ ki, qərarını verməyib.
Toralın “Qarabağ”la hazırkı sözləşməsi 2026-cı il iyunun 30-na qədərdir.
Qeyd edək ki, Bayramov 2020-ci il yanvarın 1-dən “Qarabağ”ın əsas komandasında çıxış edir.