"İnter" heyətini yeni oyunçu ilə gücləndirib.
QELEBE.AZ xəbər verir ki, komanda "Lans"da çıxış edən Endi Diofu transfer edib.
Bu barədə klubun mətbuat xidməti məlumat yayıb.
22 yaşlı müdafiəçi A Seriyası təmsilçisi ilə 5 illik yeni müqaviləyə imza atıb. Razılaşmaya əsasən, "İnter" fransalı futbolçu üçün 20 milyon avro ödəyib.
Qeyd edək ki, Endi ötən mövsüm "Lans"ın heyətində 34 oyunda iştirak edib, 1 qol vurub və 2 məhsuldar ötürmə edib.