21 yaşadək futbolçulardan ibarət Azərbaycan milli komandasının Avropa çempionatının seçmə mərhələsi çərçivəsində Portuqaliya ilə oyunu öncəsi açıq məşq keçiriləcək.
Apasport.az xəbər verir ki, bu barədə AFFA-nın mətbuat xidməti məlumat yayıb.
Bildirilib ki, məşq martın 26-da saat 13:45-də “Palms Sports Arena”da baş tutacaq.
Məşqdən əvvəl – saat 13:30-da isə U-21 yığmamızın baş məşqçisi Rəşad Eyyubovun iştirakı ilə brifinq təşkil olunacaq.