"Səbail" yeni transferi ilə vidalaşıb: Diniyev Türkiyə klubuna keçir

"Səbail" bir neçə gün öncə "Zirə"dən transfer etdiyi Coşqun Diniyevlə yollarını ayırıb.

Klubdan "QELEBE.AZ"a verilən məlumata görə, 28 yaşlı yarımmüdafiəçi Türkiyənin "Ümraniyespor" komandasına keçir.

Diniyevin "Səbail"lə müqaviləsində xarici ölkə təmsilçisindən təklif alacağı təqdirdə "dənizçilər"dən hər hansı şərt olmadan ayrıla biləcəyi barədə müvafiq bənd yer alıb.

Qeyd edək ki, "Ümraniyespor" ötən mövsümün sonunda I Liqaya düşüb.