Mbappe cari ildə 50-ci qolunu vurub, Messi və Ronaldunun uğurunu təkrarlayıb
https://qalaba.az//uploads/photo/mbappe-cari-ilde-50-ci-qolunu-vurub-messi-ve-ronaldunun-ugurunu-tekrarlayib.webp
Fransa millisinin və PSJ klubunun futbolçusu Kilian Mbappe 2022-ci ildə vurduğu qolların sayını 50-yə çatdırıb.
"QELEBE.AZ"un məlumatına görə, 24 yaşlı hücumçu buna Qətərdə keçirilən dünya çempionatında Danimarka ilə matçda (2:1) dubl etməklə nail olub.
Forvard hazırda bu göstəriciyə çatan ilk oyunçudur. 2021-ci ildə 51 dəfə fərqlənən Mbappe XXI əsrdə ardıcıl iki ildə 50 və daha çox qol vuran üçüncü futbolçu kimi tarixə düşüb.
Portuqaliya millisinin hücumçusu Kriştianu Ronaldu ardıcıl 7, argentinalı Lionel Messi isə 6 dəfə buna müvəffəq olub. Messi ümumilikdə karyerasında 9 dəfə bunu bacarıb.
| Futbolçu | Ölkə | Say | İl (qollar) | |
| Lionel Messi | Argentina | 9 | 2010(60), 2011(59), 2012(91), 2014(58), 2015(52), 2016(58), 2017(54), 2018(51), 2019(50) | |
| Kriştianu Ronaldu | Portuqaliya | 7 | 2011(60), 2012(63), 2013(69), 2014(61), 2015(57), 2016(55), 2017(53) | |
| Robert Levandovski | Polşa | 3 | 2017(53), 2019(54), 2021(69) | |
| Zlatan İbrahimoviç | İsveç | 2 | 2012(50), 2016(50) | |
| Kilian Mbappe | Fransa | 2 | 2021(51), 2022(50) |
