AAF nümayəndəsi Azərbaycan tarixində ilkə imza atıb

Azərbaycan Atletika Federasiyasının (AAF) nümayəndəsi Teymur Axundov ölkə tarixində ilkə imza atıb.

AAF-dan “Report”a verilən məlumata görə, o, Dünya Atletikasının hakimlər üçün nəzərdə tutulmuş imtahanında yüksək nəticə əldə edib.

T.Axundov imtahan göstəricilərinə əsasən, Dünya Atletikasının gümüş dərəcəli hakimi seçilib. Federasiya rəsmisi Azərbaycan atletikası tarixində bu ada layiq görülən ilk hakim olub.

Qeyd edək ki, Teymur Axundov bu ilin yanvarında bürünc dərəcəli hakim adını almışdı.