İdman naziri: “Çili inklüziv idman sahəsində təcrübəsini Azərbaycanla bölüşməyə hazırdır”

"Çili inklüziv idman sahəsində təcrübəsini Azərbaycanla bölüşməyə hazırdır".

Bunu “QELEBE.AZ”a açıqlamasında Çilinin idman naziri Xayme Pizarro deyib.

Nazirin sözlərinə görə, Bakıda keçirilən Bədən Tərbiyəsi və İdman üzrə Nazirlərin və Yüksək Vəzifəli Şəxslərin VII Beynəlxalq Konfransının (MINEPS VII) təşkilatçılıq səviyyəsi heyranlıq doğurur.

"Hazırda Çilidə Panamerika Oyunlarına hazırlıq gedir. Hesab edirəm ki, Çili və Azərbaycan birlikdə gənclərin və idmanın təbliğində mühüm rol oynayır", - Xayme Pizarro bildirib.

Nazir əlavə edib ki, ölkəsində inklüziv idman fəal şəkildə dəstəklənir və Çili bu sahədə təcrübəsini Azərbaycanla bölüşməyə hazırdır.