Azərbaycan cüdoçuları İspaniyada təlim düşərgəsində iştirak edir
https://qalaba.az//uploads/photo/azerbaycan-cudochulari-ispaniyada-telim-dushergesinde-ishtirak-edir.webp
Azərbaycan cüdoçuları Avropa Cüdo Birliyinin təşkilatçılığı ilə İspaniyanın Benidorm şəhərində keçirilən cüdo üzrə olimpiya təlim düşərgəsində iştirak edir.
Federasiyadan "Report"a verilən məlumata görə, hazırlıq prosesinə gənclərdən, qadınlardan və böyüklərdən ibarət yığmanın üzvləri qatılıblar.
Cüdoçulara Azərbaycan Cüdo Federasiyasının vitse-prezidenti Elnur Məmmədli başda olmaqla qadınlardan ibarət yığmanın baş məşqçisi Rəşad Məmmədov, qadınlardan ibarət yığmanın məşqçisi Kifayət Qasımova, gənclərdən ibarət yığmanın baş məşqçisi Elxan Məmmədov və gənclərdən ibarət yığmanın məşqçisi Elxan Rəcəbli rəhbərlik edir.
Təlim-məşq toplanışı 4-6 avqustda Macarıstanın paytaxtı Budapeşt şəhərində keçiriləcək Masters turnirinə, sentyabr və oktyabr aylarında keçiriləcək gənclər arasında Avropa və Dünya çempionatlarına hazırlıq məqsədi daşıyır.
