KİV: Mbappe İspaniya klubu ilə sövdələşib, PSJ onu satmaq istəyir

PSJ-nin 24 yaşlı ulduz hücumçusu Kilian Mbappe artıq 2024-cü ildə “Real Madrid”ə keçidinə razılıq verib. PSJ oyunçunu satışa çıxarıb.

“QELEBE.AZ” xəbər verir ki, bu barədə jurnalist Fabritsio Romano tviterdə bildirib.

Mənbənin sözlərinə görə, Paris klubunun düşərgəsində fransalı hücumçunun 2024-cü ilin yayında azad agent kimi Madridə köçəcəyinə razılıq verdiyinə əmindirlər. Bildirilib ki, PSJ rəhbərliyinin iyulun 15-dən əvvəl Mbappedən yeni müqavilə imzalaması və ya indi getməsi ilə bağlı yekun cavab tələb etməsi ilə bağlı məlumatlar tamamilə yanlış idi. Kilian Fransa klubunun mövsümöncəsi turundan kənarlaşdırılıb, həmçinin satışa çıxarılıb. PSJ futbolçunu dərhal satmaq istəyir.

Daha əvvəl PSJ hücumçusu Kilian Mbappeni Yaponiyadakı təlim-məşq toplanışına aparmamaq qərarına gəlib.