“Neftçi”nin yeni baş icraçı direktoru təqdim olunub

“Neftçi”nin yeni baş icraçı direktor Fərrux Mahmudovun təqdimat mərasimi keçirilib.

QELEBE.AZ saytının məlumatına görə, tədbir SOCAR-ın baş ofisində təşkil olunub.

Mahmudov “Neftçi”nin Müşahidə Şurasının sədri, SOCAR-ın prezidenti Rövşən Nəcəf tərəfindən mediaya təqdim edilib. Baş icraçı direktor təqdim olunduqdan sonra mətbuat konfransı baş tutub. Nəcəf və Mahmudov media nümayəndələrinin suallarını cavablandırıb.

Qeyd edək ki, Mahmudov iyulun 24-də “Neftçi”nin baş icraçı direktoru təyin olunub. Onun təyinatı Kamran Quliyevin prezident vəzifəsindən azad edilməsindən sonra gerçəkləşib.