PSJ Mbappenin stadiona buraxılmasını qadağan etmək istəyir

Fransanın PSJ klubunun rəhbərliyi hücumçu Kilian Mbappenin komandanın stadionuna gəlməsinə qadağa qoymağı planlaşdırır.

“Report” “Le10sport”a istinadən xəbər verir ki, PSJ futbolçunun “Park de Prens” stadionuna gəlməyini yasaqlamağı nəzərdən keçirir.

Bildirilib ki, bu addımla Paris klubu futbolçunun komandadan özgələşdirdiyini daha da güclü vurğulamış olacaq.

Xatırladaq ki, Mbappenin 2024/2025 mövsümü üçün PSJ ilə müqavilənin avtomatik uzadılması variantından imtina etdiyi və 2024-cü ilin yayında azad agent ola biləcəyi bəlli olub. Mətbuatda yayılan xəbərlərə görə, hücumçu bu yay transfer pəncərəsində “Real Madrid”ə keçmək istəyir. Mbappe özü gələn mövsümü PSJ-də keçirməyi planlaşdırdığını iddia edir.

24 yaşlı forvard ötən mövsüm PSJ-nin heyətində 34 liqa oyununa çıxıb, 29 qol vurub və 5 məhsuldar ötürmə edib.