“Qarabağ”ın qrupdakı rəqibləri müəyyənləşib

“Qarabağ”ın Avropa Liqasının qrup mərhələsindəki rəqibləri müəyyənləşib.

QELEBE.AZ saytının məlumatına görə, Qurban Qurbanovun yetirmələrinin rəqibləri qitənin ikinci dərəcəli klub turnirinin püşkatmasında bəlli olub.

Azərbaycan çempionu H qrupuna düşüb. Püşkatmaya 2-si səbətdən qoşulan “Qarabağ” bu mərhələdə “Bayer” (Almaniya), “Molde” (Norveç) və “Haken” (İsveç) ilə görüşəcək.

Avropa Liqasının qrup mərhələsi sentyabrın 21-də start götürəcək. Oyunların təqvimi yaxın müddətdə dəqiqləşəcək.

Qeyd edək ki, “Qarabağ” ardıcıl 10-cu dəfə avrokubokların qrupunda oynayacaq. Ağdam təmsilçisi 2014/15 mövsümündən turnirlərin əsas raundlarının iştirakçısıdır.