Ermənistan yığması ilə oyundan əvvəl Türkiyə millisinin heyətində dəyişiklik olub

AVRO-2024-ün seçmə mərhələsində evdə Ermənistan yığması ilə üz-üzə gələcək Türkiyə millisinin heyətində dəyişiklik olub.

"Report" yerli federasiyanın mətbuat xidmətinə istinadən xəbər verir ki, "Fənərbağça"dan cəlb olunan Umut Nayir zədə səbəbindən qarşılaşmada iştirak edə bilməyəcək.

Hücumçunu "Qalatasaray"dan Halil Dərvişoğlu əvəzləyəcək.

Qeyd edək ki, sentyabrın 8-də gerçəkləşəcək Türkiyə - Ermənistan görüşü Bakı vaxtı ilə saat 22:45-də başlayacaq.