"Çelsi"nin komandada debüt etməyən yeni transferi zədələnib

İngiltərənin "Çelsi" klubunun yeni transferi Romeo Laviya sıradan çıxıb.

"Report" "Daily Mail"ə istinadən xəbər verir ki, 19 yaşlı yarımmüdafiəçi məşqdə topuğundan zədə alıb.

Belçikalı oyunçu ən azı 1,5 ay komandasına kömək edə bilməyəcək.

Qeyd edək ki, Romeo Laviya avqustda "Sauthempton"dan 62 milyon avroya alınıb. O, hələlik London təmsilçisinin heyətində rəsmi oyunlarda debüt edə bilməyib.