Azərbaycan cüdoçusu Böyük Dəbilqə turnirinin qalibi olub - YENİLƏNİB-2

Azərbaycan cüdoçusu Yaşar Nəcəfov Bakıda keçirilən Böyük Dəbilqə turnirinin qalibi olub.

“QELEBE.AZ”un məlumatına görə, 66 kq çəki dərəcəsində çıxış edən idmançı final görüşündə parlaq qələbə qazanıb.

O, həlledici dueldə yaponiyalı Takeşi Takeokaya cəmi 12 saniyəyə “ippon”la qalib gəlib. Y.Nəcəfovdan fərqli olaraq, qadın cüdoçu Leyla Əliyeva qızıl medal qazana bilməyib. Finalda italiyalı Skutto Assuntaya uduzan L.Əliyeva gümüş mükafatçı olub.

Qeyd edək ki, ilk gündə yarışa qoşulan digər cüdoçular Balabəy Ağayev, Rövşən Əliyev, Nazir Talıbov, Əhməd Yusifov (hamısı 60 kq), Qasım Vəlizadə, Rəşad Yelkiyev, Ruslan Paşayev (hamısı 66 kq), Ramilə Əliyeva, Şəfəq Həmidova (hər ikisi 48 kq), Gültac Məmmədəliyeva (52 kq) və Nərgiz Hacıyeva (57 kq) turnirlə erkən vidalaşıblar.

Azərbaycanın iki cüdoçusu Bakıda keçirilən Böyük Dəbilqə turnirinin finalına yüksəlib.

“QELEBE.AZ”un məlumatına görə, kişilərin yarışında Yaşar Nəcəfov, qadınların mübarizəsində isə Leyla Əliyeva bunu həyata keçiriblər.

Y.Nəcəfov 66 kq çəki dərəcəsində Rumıniya təmsilçisi Denis Vierunu məğlub edib. İdmançımız finalda yaponiyalı Takeşi Takeoka ilə qarşılaşacaq. 48 kq-da yarışan Leyla Əliyeva yarımfinalda serbiyalı Milika Nikoliçdən güclü olub. Cüdoçumuzun həlledici görüşdəki rəqibi Skutto Assunta (İtaliya) olacaq.

Təsəlliverici görüşdə türkiyəli Salih Yıldıza uduzan Əhməd Yusifov (60 kq) isə bürünc medal qazanmaq şansını itirib.

Qeyd edək ki, ilk gündə yarışa qoşulan Balabəy Ağayev, Rövşən Əliyev, Nazir Talıbov (hamısı 60 kq), Qasım Vəlizadə, Rəşad Yelkiyev, Ruslan Paşayev (hamısı 66 kq), Ramilə Əliyeva, Şəfəq Həmidova (hər ikisi 48 kq), Gültac Məmmədəliyeva (52 kq) və Nərgiz Hacıyeva (57 kq) erkən vidalaşıblar.

Azərbaycanın iki cüdoçusu Bakıda keçirilən Ümummilli Lider Heydər Əliyevin xatirəsinə həsr olunan Böyük Dəbilqə turnirinin yarımfinalına yüksəlib.

“QELEBE.AZ”un məlumatına görə, kişilərin yarışında Yaşar Nəcəfov, qadınların mübarizəsində isə Leyla Əliyeva bunu bacarıblar.

66 kq çəki dərəcəsində 1/32 final mərhələsindən başlayan Yaşar Nəcəfov doğma arenada 4 rəqibini üstələyıb. O, final yolunda Rumıniya təmsilçisi Denis Vierunu sınağa çəkəcək. 48 kq-da yarışan Leyla Əliyeva isə 1/16 finaldan mübarizəyə qoşulub. Qadın cüdoçu yarımfinalda serbiyalı Milika Nikoliçlə üz-üzə gələcək.

1/4 finalda rəqibinə uduzan Əhməd Yusifov (60 kq) isə bürünc medal qazanmaq ümidini davam etdirir. O, təsəlliverici görüşdə türkiyəli Salih Yıldızla qarşılaşacaq.

Qeyd edək ki, ilk gündə yarışa qoşulan Balabəy Ağayev, Rövşən Əliyev, Nazir Talıbov (hamısı 60 kq), Qasım Vəlizadə, Rəşad Yelkiyev, Ruslan Paşayev (hamısı 66 kq), Ramilə Əliyeva, Şəfəq Həmidova (hər ikisi 48 kq), Gültac Məmmədəliyeva (52 kq) və Nərgiz Hacıyeva (57 kq) erkən vidalaşıblar.