A Seriyası: "Yuventus" "Bolonya"nı məğlub edib
https://qalaba.az//uploads/photo/a-seriyasi-yuventus-bolonyani-meglub-edib.webp
Oktyabrın 2-də Turinin "Alyans - "Yuventus" stadionunda İtaliya A Seriyasının VIII turunun matçında "Yuventus" "Bolonya"nı qəbul edib.
"QELEBE.AZ" xəbər verir ki, qarşılaşma turinlilərin 3:0 hesablı qələbəsi ilə başa çatıb.
Meydan sahibləri ilk qolu 24-cü dəqiqədə vurublar - cinah müdafiəçisi Filip Kostiç Duşan Vlahoviçin ötürməsindən sonra fərqlənib. 59-cu dəqiqədə Vlahoviçin özü qol şansını reallaşdıra bilib. 62-ci dəqiqədə polşalı hücumçu Arkadiuş Milik hesabı darmadağın həddinə çatdırıb.
Bu qələbədən sonra "Yuventus" turnir cədvəlinin yeddinci pilləsinə yüksəlib, komandanın aktivində 13 xal var. "Bolonya" 17-ci yerdə qalıb, klub səkkiz görüşdən sonra cəmi altı xal toplaya bilib.
