İqita: “Bərabərlik qolundan sonra Azərbaycan millisi oyundan qopdu”

“Bərabərlik qolundan sonra Azərbaycan millisi oyundan qopdu”.

“QELEBE.AZ” xəbər verir ki, bunu Qazaxıstan yığmasının futzalçısı İqita Azərbaycana 3:2 hesabı ilə qalib gəldikləri DÇ-2024-ün elit mərhələ oyunu barədə danışarkən deyib.

Təcrübəli qapıçı ikinci hissəni daha yaxşı keçirdiklərini bildirib: “Qəribə oyun oldu. Rəqib əla idi, startda yaxşı çıxış etdi. Ancaq getdikcə tempdən düşdülər, bizə motivasiya verdilər və daha yaxşı olduğumuzu göstərdilər. İkinci hissədə çox qol vurmaq istəyirdik. Bizim üçün ən vacibi 3 xal qazanmaq idi. Hədəfə yaxınlaşırıq, tezliklə Daşkənddə olacağıq”.

Qeyd edək ki, hazırda Qazaxıstan yığması 12 xalla A qrupuna başçılıq edir. Azərbaycan millisinin isə hesabında 3 xal var.