İtaliya millisinin üzvü 3 il müddətinə futboldan uzaqlaşdırıla bilər

İngiltərənin “Nyukasl” klubunun futbolçusu Sandro Tonali 3 il müddətinə futboldan uzaqlaşdırıla bilər.

“QELEBE.AZ” “La Gazzetta dello Sport”a istinadən xəbər verir ki, İtaliya millisinin yarımmüdafiəçisi prokurorluqda dindirilərkən sabiq komandası “Milan”ın oyunlarına mərc qoyduğunu etiraf edib.

23 yaşlı oyunçu özü oynamadığı matçlara pul qoyuluşu etdiyini bildirib. Tonalinin iddiası sübuta yetirilsə, o, oyun alğı-satqısında ittiham olunmayacaq. Futbolçu istintaqla sövdələşməyə hazır olduğunu bildirib.

Qeyd edək ki, Sandro Tonali 2020-2023-cü illərdə “Milan”da çıxış edib. O, 2019-cu ildən İtaliya millisinə çağırılır.