Azərbaycan idmançıları II Türk Dövlətləri Universiadasında 7 medal qazanıblar

Azərbaycan idmançıları Qazaxıstanda keçirilən II Türk Dövlətləri Universiadasında 7 medal qazanıblar.

“QELEBE.AZ”un məlumatına görə, milli üzvləri 3 qızıl, 2 gümüş, 2 bürünc medala yiyələniblər.

Cüdoçu Ramilə Əliyeva (48 kq), sərbəst güləşçilər Camal Abbasov (61 kq) və Sabir Cəfərov (70 kq) Universiadanın qalibi olublar.

Sərbəst güləşçilərdən Aydın Əhmədov (125 kq) ikinci, Sahib Dadaşov (79 kq) üçüncü yeri tutublar. Cüdoçulardan isə Eltac Yusifli (66 kq) fəxri kürsünün ikinci, Elcan Şəfiyev (81 kq) isə üçüncü pilləsinə qalxıblar.