Azərbaycan ağırlıqqaldıranı Qran-pridə qüvvəsini sınayıb
https://qalaba.az//uploads/photo/azerbaycan-agirliqqaldirani-qran-pride-quvvesini-sinayib.webp
Azərbaycan ağırlıqqaldıranı Ömər Cavadov Qətərin paytaxtı Dohada Beynəlxalq Ağırlıqqaldırma Federasiyasının II Qran-prisində çıxış edib.
Azərbaycan Ağırlıqqaldırma Federasiyasından “Report”a verilən məlumata görə, idmançı B qrupunda mübarizə aparıb.
O, 73 kq çəki dərəcəsində toplam 312 kq (146+166) nəticə göstərib. Ö.Cavadovun yekun sıralamada tutduğu yer A qrupundakı çıxışlar bitəndən sonra bilinəcək.
Qeyd edək ki, Paris-2024 Yay Olimpiya Oyunlarına lisenziya xarakterli Qran-pridə 70-dən çox ölkədən 382 (176 qadın + 206 kişi) atlet iştirak edir.
