2023-cü ilin ən yaxşı futbolçusu adına namizədlərin yekun siyahısı açıqlanıb

“Globe Soccer Awards” 2023-cü ilin ən yaxşı futbolçusu adına namizədlərin yekun siyahısı açıqlayıb.

“QELEBE.AZ” xəbər verir ki, 11 oyunçu mükafata iddiasını davam etdirəcək.

Bunlar Cud Bellinqem, Vinisius Junior (hər ikisi “Real”, İspaniya), Kərim Benzema (“Əl-İttihad”, Səudiyyə Ərəbistanı), Kevin De Bruyne, Erlinq Holann, Bernardo Silva (hamısı “Mançester Siti”, İngiltərə), Kilian Mbappe (PSJ, Fransa), Lionel Messi (“İnter Mayami”, ABŞ), Viktor Osimxen (“Napoli”, İtaliya), Məhəmməd Salah (“Liverpul”, İngiltərə) və Kriştianu Ronaldudur (“Əl-Nəsr”, Səudiyyə Ərəbistanı).

İlin futbolçusu 2024-cü il yanvarın 19-da açıqlanacaq.

Qeyd edək ki, 2022-ci ildə bu mükafatı Fransa millisinin hücumçusu Kilian Mbappe qazanıb.