İki futbol nəhəngi Rafael Varan üçün mübarizə aparır

“Mançester Yunayted”in müdafiəçisi Rafael Varan qış transfer pəncərəsində klubunu dəyişə bilər.

"QELEBE.AZ" xarici KİV-ə istinadən xəbər verir ki, fransalı müdafiəçi “Yunayted”dən narazıdır və “Real Madrid”ə qayıtmağı düşünür.

Madrid komandası 30 yaşlı futbolçu ilə maraqlanır, çünki mərkəz müdafiəçiləri Eder Militao və David Alaba zədə səbəbindən uzun müddət oynamayacaqlar.

Qeyd olunur ki, “Bavariya” da Varan üçün iddialıdır. Münxenlilər müdafiəçinin transferi üçün 10-20 milyon avro ödəməyə hazırdırlar.

Xatırladaq ki, bu mövsüm Varan “Mançester Yunayted”in heyətində bütün turnirlərdə 14 oyun keçirib və bir qol vurub. Futbolçunun ingilis klubu ilə müqaviləsi 2025-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 25 milyon avrodur.