Emin Mahmudov: "Ümid edirəm ki, Bojoviçlə uğurlu nəticələr qazanacağıq"

"Ümid edirəm ki, Bojoviçlə uğurlu nəticələr qazanacağıq".

"Report" xəbər verir ki, bunu "Neftçi"nin kapitanı Emin Mahmudov komandanın yeni baş məşqçisi Miodraq Bojoviç haqqında danışarkən deyib.

31 yaşlı yarımmüdafiəçi Monteneqrodan olan mütəxəssisi Rusiyadan tanıdığını söyləyib: "O, “Dinamo”, “Lokomotiv” kimi böyük klublarda, eləcə də digər komandalarda işləyib. Bojoviçin tapşırıqlarını yerinə yetirməyə çalışacağıq. İnşallah, onunla işləməyimiz uğurlu alınar. Rusiyada onun çalışdırdığı komandalara qarşı oynamışam deyə, orada tez-tez qarşılaşırdıq”.

Qeyd edək ki, Miodraq Bojoviç "Neftçi"nin baş məşqçisi postunda rumıniyalı Adrian Mutunu əvəzləyib.