Azərbaycan Basketbol Liqasında IV tura start verilib

Azərbaycan Basketbol Liqasında (ABL) IV tura start verilib.

"QELEBE.AZ"un məlumatına görə, açılış oyununda NTD "AAAF Xırdalan"a 99:97 hesabı ilə qalib gəlib.

Digər görüşdə isə "Neftçi" "Olimpik Şəki"yə uduzub - 73:76.

Hər iki qarşılaşma “Sərhədçi” İdman Mərkəzinin idman zalında gerçəkləşib.

Qeyd edək ki, hazırda turnir cədvəlinə 8 xalla NTD başçılıq edir. 6 xalı olan "Gəncə" 2-cidir. 5 xala malik 3 komanda - "Sabah", "Neftçi" və "Xırdalan" 3-5-ci yerləri bölüşdürür.

4 xalı olan "Sərhədçi" və "Olimpik" müvafiq olaraq, 6 və 7-ci pillələrdə qərarlaşıb. "Zirvə" isə 3 xalla sonuncudur.