Rusiyalı cüdoçu antidopinq qaydalarını pozduğu üçün diskvalifikasiya edilib

Rusiya cüdoçusu Abubakar İsayev diskvalifikasiya edilib.

"QELEBE.AZ" xəbər verir ki, bu barədə Rusiya Antidopinq Agentliyinin (RUSADA) mətbuat xidməti məlumat yayıb.

Bildirilib ki, 73 kq çəki dərəcəsində mübarizə aparan idmançı antidopinq qaydalarını pozduğuna görə iki il müddətinə cəzalanıb. Onun diskvalifikasiya müddəti 2023-cü il oktyabrın 27-dən başlayır.

İsayev antidopinq qaydalarının 4.1 və 4.2 bəndlərini pozduğu üçün cəza ilə üzləşib.

Qeyd edək ki, Abubakar İsayev həmin il Rusiya çempionatında gümüş medal qazanıb.