Şəhriyar Məmmədyarov "Meltwater Champions Chess Tour" turnirində mübarizə aparacaq
https://qalaba.az//uploads/photo/shehriyar-memmedyarov-meltwater-champions-chess-tour-turnirinde-mubarize-aparacaq.webp
Azərbaycan milli komandasının üzvü Şəhriyar Məmmədyarov "Meltwater Champions Chess Tour" onlayn şahmat seriyasının səkkizinci mərhələsində çıxış edəcək.
Şahmat Federasiyasından “Report”a verilən məlumata görə, turnirdə seriyanın təşkilatçısı Maqnus Karlsendən başqa 15 şahmatçı mübarizə aparacaq.
Bunlar həmyerlimiz Şəhriyar Məmmədyarov, Niderland təmsilçisi Aniş Giri, Hindistan şahmatçıları Qukeş, Arcun Eriqaisi, Pentala Harikrişna, Vidit Santoş və Aditya Mittal, macar Riçard Rapport, polşalı şahmatçı Yan-Kşıştof Duda, özbək Nodirbek Abusattarov, Almaniya şahmatçısı Vinsent Keymer, ispan David Quyarro, isveçli Nils Qrandelius, Kanada təmsilçisi Erik Hansen və ABŞ şahmatçısı Daniel Narodskidir.
Qeyd edək ki, ümumi mükafat fondu 150 min dollar olan turnirin qrup oyunlarından sonra ilk səkkiz yeri tutacaq şahmatçılar pley-offa vəsiqə qazanacaqlar.
"Aimchess Rapid" adlanan turnir oktyabrın 14-dən 21-dək keçiriləcək.
