"Sumqayıt"ın üç legioneri milli komandalara dəvət alıb

"Sumqayıt"ın üç legioneri ölkələrinin milli komandalarına dəvət alıb.

"Gənclik şəhəri" təmsilçisindən "Report"a verilən məlumata görə, bunlar pakistanlı İsa Suliman, Çaddan olan Kasimir Ninqa və Burundi yığmasına cəlb edilən Tresor Mossidir.

Pakistan millisi martın 21-də və 26-da dünya çemionatının Asiya zonası üçrə seçmə mərhələsində İordaniya ilə üz-üzə gələcək.

Çad yığması martın 22-si və 26-da Afrika Millətlər Kubokunun təsnifat mərhələsində Mavritaniya ilə qarşılaşacaq. Burundi isə martın 22-də və 25-də Madaqaskar və Botsvana ilə yoldaşlıq görüşləri keçirəcək.