Azərbaycanlı hücumçu İsveç çempionatının ən dəyərli futbolçuları sırasındadır

Azərbaycanlı hücumçu Musa Qurbanlı İsveç çempionatının ən dəyərli futbolçuları sırasındadır.

“Report”un Beynəlxalq İdman Araşdırmaları Mərkəzinə (CİES) istinadən məlumatına görə, “Yurqorden” klubunun oyunçusu İsveç Allsvenskanında çıxış edən ən bahalı 9-cu futbolçudur.

21 yaşlı forvardın transfer qiyməti 3,4 milyon avroya bərabərdir. İsveç çempionatının ən dəyərlisi isə 7,9 milyon avro ilə “Malmö”nün yarımmüdafiəçisi Sebastian Nanasidir.