Azərbaycanın basketbol millisi məğlub olub

Azərbaycanın 3x3 basketbol üzrə milli komandası Dünya Qadın Seriyasının Qəbələ mərhələsində növbəti oyununu keçirib.

"Report"un məlumatına görə, yığmamız A qrupunun görüşləri çərçivəsində Portuqaliya ilə üz-üzə gəlib.

Qarşılaşma komandamızın 13:21 hesablı məğlubiyyəti ilə yekunlaşıb.

Qeyd edək ki, turnirin açılış qarşılaşmasında yığmamız "Baku Fleyms" klubuna 21:6 hesabı ilə qalib gəlib.

Günün digər görüşlərində bu nəticələr qeydə alınıb: Polşa 21:14 "Barselona Panthers", Portuqaliya 13:12 "Warsaw Lotto" (Polşa), İtaliya 20:11 Rumıniya, "Baku Fleyms" 5:21 "Warsaw Lotto", "Barselona Panthers" 21:15 Rumıniya.