Maykl Cordanın imzaladığı kart rekord qiymətə satılıb

"Qoldin" auksion evində hərraca çıxarılan, əfsanəvi basketbolçu Maykl Cordanın imzası olan kolleksiya kartı rekord qiymətə - 2 milyon 928 min dollara satılıb.

"Report" xarici KİV-ə istinadən xəbər verir ki, "Apper Dek Ultimeyt Kollekşn"in kolleksiyasında yer alan, 2003/2004 mövsümündə Cordanın şəxsən imzaladığı və yalnız bir nüsxədən ibarət "Loqoman" adlı kartın satış qiyməti rekord kimi qeydə alınıb.

Bu, Cordan kartı üçün indiyə qədər ödənilən ən yüksək qiymət kimi tarixə düşüb.