AVRO-2024: Niderland millisində Frenki De Yonqu kimin əvəzləyəcəyi bəlli olub

Almaniyada keçiriləcək Avropa çempionatında Niderland millisinin futbolçusu Frenki De Yonqu kimin əvəzləyəcəyi məlum olub.

"QELEBE.AZ" ESPN-ə istinadən xəbər verir ki, Almaniyanın "Borussiya" (Dortmund) klubundan Yan Matsen AVRO-2024-də iştirak edəcək.

İspaniyanın "Barselona" komandasından yığmaya cəlb edilən De Yonq zədə səbəbindən heyətdən çıxarılıb.

Qeyd edək ki, Niderland millisi AVRO-2024-də ilk oyununu iyunun 16-da Polşaya qarşı keçirəcək. İyunun 14-də başlayacaq turnir bir ay davam edəcək.