Azərbaycan millisinin futbolçusu: Qazaxıstan və Albaniya ilə oyunlar bizim üçün önəmli idi
https://qalaba.az//uploads/photo/azerbaycan-millisinin-futbolchusu-qazaxistan-ve-albaniya-ile-oyunlar-bizim-uchun-onemli-idi.webp
Hər iki oyun bizim üçün önəm kəsb edirdi.
Bunu "QELEBE.AZ"a açıqlamasında Azərbaycan millisinin futbolçusu Elvin Camalov Macarıstanda Albaniya və Qazaxıstan yığmalarına qarşı keçirdikləri yoldaşlıq oyunları barədə danışarkən deyib.
29 yaşlı yarımmüdafiəçi hər iki görüşdə yaxşı nəticə əldə etməyə çalışdıqlarını bildirib: "Çünki millimizin formasını geyinirik. Komandanı meydanda layiqincə təmsil etmək istəyirdik. Albaniya ilə görüşdə pis oynamadıq. Sadəcə, fərdi səhvlərin ucbatından məğlub olduq".
O, ötən gün Qazaxıstana 3:2 hesabı ilə qalib gəldikləri matç haqqında da danışıb: "Bu oyunda erkən qollar buraxdıq. Buna baxmayaraq, özümüzə inanmağımız, əzmkarlığımız, sonadək mübarizə aparmağımız qələbədə böyük rol oynadı".
Qeyd edək ki, Azərbaycan millisi iyunun 7-də Albaniyaya uduzub - 1:3.
