Sloveniya millisinin baş məşqçisi: Sübut etdik ki, Avropa çempionatlarında iştirak etməyə layiqik

Göstərdiyimiz oyunla sübut etdik ki, Avropa çempionatlarında iştirak etməyə layiqik.

"Report" xəbər verir ki, bunu Sloveniya millisinin baş məşqçisi Matias Kek Serbiyaya qarşı AVRO-2024-ün qrup mərhələsinin II turunun oyunundan sonra mətbuat konfransında deyib.

62 yaşlı çalışdırıcı komandasının daha yaxşı yerlərə layiq olduğunu söyləyib: "Göstərdiyimiz oyunla sübut etdik ki, Avropa çempionatında iştirak etməyə layiqik. Cəsarətli və dürüst oyun oynadıq. Məncə, bu yığma daha yaxşı yerlərə gələcək".

Qeyd edək ki, Almaniyada təşkil olunan AVRO-2024-ün C qrupunun matçında Sloveniya Serbiya yığması ilə heç-heçə edib - 1:1.