Gürcüstan millisinin baş məşqçisi: Futbolçulara 16-17 yaşlarında necə oynadıqlarını xatırlamalarını söylədim
https://qalaba.az//uploads/photo/gurcustan-millisinin-bash-meshqchisi-futbolchulara-16-17-yashlarinda-nece-oynadiqlarini-xatirlamalarini-soyledim.webp
Mən futbolçulara 16-17 yaşlarında necə oynadıqlarını heç düşünmədən xatırlamalarını söylədim və bu gün bunu parlaq şəkildə etdilər.
"QELEBE.AZ" UEFA-nın mətbuat xidmətinə istinadən xəbər verir ki, bunu Gürcüstan yığmasının baş məşqçisi Villi Sanyol Almaniyada təşkil olunan Avropa çempionatının qrup mərhələsinin III turu çərçivəsində Portuqaliyaya qarşı oyundan sonra mətbuat konfransında deyib.
Mütəxəssis nə olur-olsun intizamı qorumağın vacibliyini söyləyib: "Düzünü desəm, oyundan əvvəl oyunçulara nə danışdığımı xatırlamıram, amma mesaj öz futbolunu oynamaq idi. Top əlinizdə oldu-olmadı, intizamı qoruyun".
Qeyd edək ki, F qrupunda baş tutan Gürcüstan - Portuqaliya matçı birincilərin 2:0 hesablı qələbəsi ilə yekunlaşıb. Gürcüstan ən yaxşı qrup üçüncüsü kimi növbəti mərhələyə adlayıb.
