Avropa çempionatı: Azərbaycan cüdoçuları yarımfinalda bir-birinə rəqib olublar

Azərbaycanın iki yeniyetmə cüdoçusu Bolqarıstanda keçirilən Avropa çempionatında yarımfinala vəsiqə qazanıblar.

"Report"un Sofiyaya ezam olunan əməkdaşının məlumatına görə, Bahadır Feyzullayev və Məhəmmədəli Hüsiyev (hər ikisi 55 kq) bu raundda bir-birilərinə rəqib olublar.

1/4 finalda uduzan Nihad Rəhimov (60 kq), Leyla Ələkbərova (44 kq) və Diana Eldarova (48 kq) təsəlliverici görüşə çıxacaqlar. Eldarova bürünc medal uğrunda görüşə çıxmaq üçün iki qarşılaşmada qalib gəlməlidir.

Nihad Məmişov (55 kq), Xədicə Abdullayeva (40 kq), Nərmin Məmmədli (44 kq), Nuranə Hacızadə (48 kq) əvvəlki raundda uduzublar.