Oğlu Dieqo Simeonenin rekordunu təkrarlayıb

İtaliyanın "Napoli" klubunun futbolçusu Covanni Simeone hazırda İspaniyanın "Atletiko" (Madrid) komandasının baş məşqçisi olan atası Dieqo Simeonenin rekordunu təkrarlayıb.

"QELEBE.AZ" Beynəlxalq Futbol Tarixi və Statistikaları Federasiyasının rəsmi saytına istinadən xəbər verir ki, 27 yaşlı hücumçu buna Şotlandiya "Reyncers"ini 3:0 hesabı ilə məğlub etdikləri qarşılaşmada dubl etməklə nail olub.

Argentinalı forvard qitənin bir nömrəli klub turnirində ilk 4 matçında 4 qola imza atıb. İndiyədək yalnız onun atası Dieqo Simeone eyni uğura imza atmışdı.

Bundan əlavə, Neapol təmsilçisi Çempionlar Liqasında 5 turdan sonra 20 qol vurub. Bu vaxtadək heç bir İtaliya klubu belə məhsuldarlıqla yadda qalmayıb.