"Sumqayıt"ın futbolçusu: Bir qədər yaradıcılıq çatmadı

Düşünürəm ki, qol vurub oyunu xilas etmək üçün bir qədər yaradıcılıq çatmadı.

"QELEBE.AZ"un Macarıstana ezam olunmuş əməkdaşı xəbər verir ki, bunu "Sumqayıt"ın futbolçusu Elvin Bədəlov UEFA Konfrans Liqasının II təsnifat mərhələsində "Fehervar"la oyundan sonra deyib.

Yarımmüdafiəçi komandanın pis oynamadığını vurğulayıb:

"Çətin oyunlar oldu. Fikrimcə, pis oynamadıq. Məlum səbəblərə görə keçə bilmədik. Amma əlimizdən gələni etdik. Hakimlərdən danışmaq istəmirəm".

Qeyd edək ki, "Fehervar" - " Sumqayıt" matçı 0:0 hesabı ilə yekunlaşıb. İki oyunun nəticəsinə görə (2:1, 0:0) Sumqayıt təmsilçisi Konfrans Liqasında mübarizəni dayandırmalı olub.