Paris-2024: Azərbaycan bədii gimnastı yarışı 18-ci sırada başa vurub - YENİLƏNİB - 4

Azərbaycan bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında 18-ci yeri tutub.

"Report"un turnirə ezam olunmuş əməkdaşı xəbər verir ki, 23 yaşlı idmançı son olaraq gürzlə bacarığını göstərdikdən sonra 26.750 xala layiq görülüb.

Ümumilikdə 117.850 xal toplayan gimnastımız yekun sıralamada 18-ci yeri tutaraq, ilk "onluq"dan kənardan qalıb və finala yüksələ bilməyib.

Qeyd edək ki, Paris-2024 avqustun 11-də başa çatacaq.

Azərbaycan bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında çıxışını başa vurub.

"Report"un turnirə ezam olunmuş əməkdaşı xəbər verir ki, 23 yaşlı idmançı son olaraq gürzlə bacarığını göstərib.

Təmsilçimiz 26.750 xala layiq görülüb. Ümumilikdə 117.850 xal toplayan gimnastımızın yekun sıralamada neçənci yeri tutacağı təsnifat mərhələsinin son çıxışlarından sonra bəlli olacaq.

Qeyd edək ki, ilk "onluğ"a düşən idmançılar final mərhələsinə vəsiqə qazanacaqlar.

Azərbaycan bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında üçüncü dəfə çıxış edib.

"Report"un turnirə ezam olunmuş əməkdaşı xəbər verir ki, 23 yaşlı idmançı bu dəfə lentlə bacarığını göstərib.

Təmsilçimiz 28.400 xala layiq görülüb. Ağamirova sonuncu çıxışını gürzlə edəcək.

Qeyd edək ki, Paris-2024 avqustun 11-də başa çatacaq.

Azərbaycanın bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında növbəti dəfə çıxış edib.

"Report"un turnirə ezam olunmuş əməkdaşı xəbər verir ki, 23 yaşlı idmançı bu dəfə halqalarla bacarığını göstərib.

Təmsilçimiz 32.500 xala layiq görülüb. Ağamirova lent və gürzlə də çıxış edəcək. O, hələlik 5-ci sırada qərarlaşıb.

Qeyd edək ki, Paris-2024 avqustun 11-də başa çatacaq.

Azərbaycanın bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında mübarizəyə start verib.

"Report"un turnirə ezam olunmuş əməkdaşı xəbər verir ki, 23 yaşlı idmançı fərdi çoxnövçülükdə ilk olaraq topla hərəkətlərdə çıxış edib.

Təmsilçimiz 30.200 xala layiq görülüb. Ağamirova halqa, lent və gürzlə də bacarığını göstərəcək. O, hələlik 7-ci sırada qərarlaşıb.

Qeyd edək ki, Paris-2024 avqustun 11-də başa çatacaq.