MOK: Alfonso Dominqesin nəticəsi əzm və mübarizənin göstəricisidir

Azərbaycan Milli Olimpiya Komitəsi sosial şəbəkə hesabında boksçumuz Alfonso Dominqes Paris 2024 Olimpiya Oyunlarında gümüş medal qazanması ilə əlaqıdar paylaşım edib.

“Report” xəbər verir ki, paylaşımda deyilir: “Boksçumuz Alfonso Dominqes Paris 2024 Olimpiya Oyunlarında gümüş medal qazanıb. Bu nəticə onun rinqdə göstərdiyi əzm və mübarizənin göstəricisidir! Azərbaycan səninlə fəxr edir! Təbriklər, Alfonso”.

Qeyd edək ki, boksçu finalda özbəkistanlı Lazizbek Mullojonova məğlub olub. Paris-2024-ə avqustun 11-də yekun vurulacaq.