"Yuventus" yunan futbolçunu icarəyə götürüb

İtaliyanın "Yuventus" klubu heyətini yeni futbolçu ilə gücləndirib.

"Report" Turin təmsilçisinin rəsmi saytına istinadən xəbər verir ki, "Cenoa"dan hücumameyilli yarımmüdafiəçi Kristos Papadopulos icarəyə götürülüb.

19 yaşlı yunan oyunçu mövsümün sonunadək "Yuventus"da olacaq. O, əsasən gənclərdən ibarət komandada çıxış edəcək.

Qeyd edək ki, Papadopulos ötən mövsüm gənclər arasında İtaliya çempionatında 25 matçda 11 qol və 6 məhsuldar ötürmə ilə yadda qalıb.