Aleksey Kaşuk: "Qarabağ"ı seçməyimdə bir nömrəli amil baş məşqçidir

"Qarabağ"ı seçməyimdə bir nömrəli amil baş məşqçidir.

"QELEBE.AZ" "Sport.ua" nəşrinə istinadən xəbər verir ki, bunu ukraynalı futbolçu Alaksey Kaşuk deyib.

Yarımmüdafiəçi "köhlən atlar"a keçidi barədə açıqlama verib:

"Qurban Qurbanov uzun müddətdir burada işləyir. Komandanı Çempionlar Liqasının qrup mərhələsinə, Avropa Liqasında isə pley-offa çıxarıb. O, oyunçuları necə inkişaf etdirməyi bilir. İkinci amil müqavilənin təfərrüatlarıdır. Söhbət təkcə şəxsi şərtlərdən getmir. Sözləşmədəki bənd də önəmlidir. Elə yazılıb ki, Avropa klubları gələcəkdə "Qarabağ"a adekvat qiymətə təklif verə biləcəklər. Üçüncü amil isə mən artıq bu çempionatda və ölkədə oynamışam, uyğunlaşmışam".

Qeyd edək ki, "Qarabağ" Aleksey Kaşukla 3 illik müqavilə imzalayıb.