"Mingəçevir reqatası-2024”: Azərbaycan avarçəkənləri ilk gündə 9 medal qazanıblar
https://qalaba.az//uploads/photo/mingechevir-reqatasi-2024-azerbaycan-avarchekenleri-ilk-gunde-9-medal-qazaniblar.webp
Azərbaycan avarçəkənləri "Mingəçevir reqatası-2024” beynəlxalq turnirinin ilk günündə 9 medal qazanıblar.
"Report"un Mingəçevirə ezam olunan əməkdaşının məlumatına görə, son olaraq Məhəmməd Həsənov bürünc, Əlimurad Hacızadə gümüş mükafat əldə ediblər.
Həsənov 2010-2011 təvəllüdlü idmançıların 1000 metr məsafəyə akademik avarçəkmə yarışında üçüncü, Hacızadə 2008-2009 təvəllüdlülər arasında 1000 metr məsafəyə kayakda ikinci yeri tutub.
Qeyd edək ki, daha əvvəl təmsilçilərimiz 7 medal qazanıblar. "Mingəçevir reqatası-2024” beynəlxalq turniri oktyabrın 18-də başa çatacaq.
